Genesis 44:1 ουοϩ αϥϩονϩεν `νϫε ιωςηφ ὲτοτϥ `μφη ετχη ὲ`ϩρηι ὲϫεν πεϥηι εϥϫω `μμος ϫε μαϩ νενςοκ `νναιρωμι `νςουο νωου φηετουνα`ϣϫομϫεμ `νολϥ ουοϩ ϩι `πϩατ `μπιουαι πιουαι ὲρωϥ `μπεϥςοκ.
Genesis 44:2 ουοϩ ταφυαλη `νϩατ ϩιτς ὲ`πςοκ `μπικουϫι νεμ `ττιμη `μπεϥςουο αςϣωπι δε κατα πιςαϫι ὲταϥϫοϥ `νϫε ιωςηφ.
Genesis 44:3 ὰ ϣωρπ δε ερουωινι ουοϩ αυουωρπ `ννιρωμι ὲβολ `νθωου νεμ νουὲευ.
Genesis 44:4 ὲταυερ ςαβολ δε `νϯβακι `μπατουουει ὲβολ πεϫε ιωςηφ `μφη ετχη ϩιϫεν πεϥηι εϥϫω `μμος ϫε τωνκ ϭοϫι ςαμενϩε `ννιρωμι ουοϩ εκὲταϩωου ουοϩ εκὲϫος νωου ϫε εθβεου αρετενϯ `νϩανπετϩωου ϧα ϩανπεθνανευ.
Genesis 44:5 εθβεου αρετενκωλπ ταφυαλη `νϩατ θαι ὲϣαρε παϭοις ςω `νϧητς `νθοϥ δε ϧεν ουϭιϣημ ϣαϥϭιϣημ `νϧητς ϩανπετϩωου αρετενϫοκου ὲβολ νη ὲταρετεναιτου.
Genesis 44:6 ὲταϥϫεμου δε αϥϫος νωου κατα ναιςαϫι.
Genesis 44:7 `νθωου δε πεϫωου ναϥ ϫε εθβεου πενϭοις ςαϫι νεμαν κατα ναιςαϫι `ννεςϣωπι `ννεκὰὶ `ντουὶρι κατα παιςαϫι.
Genesis 44:8 ιςϫε μεν πιϩατ ὲτανϫεμϥ ϧεν νενςοκ ανταςθοϥ ϩαροκ ὲβολ ϧεν `πκαϩι `νΧανααν πως τεννακωλπ ὲβολ ϧεν `πηι `μπενϭοις `νουϩατ ιε ουνουβ .
Genesis 44:9 φη ετουναϫιμι `νϯφυαλη `ντοτϥ ϧεν νεκὰλωουὶ εϥὲμου ανον δε ενὲερβωκ `μπενϭοις.
Genesis 44:10 `νθοϥ δε πεϫαϥ ϫε ϯνου μαρεςϣωπι `μπιρηϯ ὲτετενϫω `μμος πιρωμι ὲτουναϫεμ ϯφυαλη `ντοτϥ `νθοϥ εϥὲϣωπι νηι `νουὰλου `νθωτεν δε ερετενεϣωπι ερετεντουβηουτ.
Genesis 44:11 ουοϩ αυιης `ντοτου ὰ πιουαι πιουαι φορπερ `μπεϥςοκ ϩιϫεν πικαϩι ουοϩ `φουαι `φουαι ουων `μπεϥςοκ.
Genesis 44:12 ναϥϧοτϧετ δε πε ὲαϥερϩητς ιςϫεν πινιϣϯ ϣατεϥφοϩ ὲπικουϫι ουοϩ αϥϫιμι `νϯφυαλη ϧεν `πςοκ `μβενιαμιν.
Genesis 44:13 ουοϩ αυφωϧ `ννου`ϩβως ουοϩ ὰ `φουαι `φουαι ταλο `μπεϥςοκ ὲπεϥιω ουοϩ αυταςθο ὲϯβακι.
Genesis 44:14 αϥὶ δε ὲϧουν `νϫε ιουδας νεμ νεϥ`ςνηου ϩα ιωςηφ ὲτι εϥχη ϧεν πιμα ουοϩ αυϩιτου ὲϫεν πικαϩι `μπεϥμθο.
Genesis 44:15 πεϫαϥ δε νωου `νϫε ιωςηφ ϫε παιϩωβ ου πε ὲταρετεναιϥ τετενςωουν αν ϫε ϧεν ουϭιϣημ ϣαϥϭιϣημ `νϫε πιρωμι ὲτε ὰνοκ πε.
Genesis 44:16 πεϫε ιουδας δε ϫε ου πετενναουαϩμεϥ `μπενϭοις ιε ου πετενναςαϫι `μμοϥ ιε αννα`θμαιον ϧεν ου `φνουϯ δε αϥϫεμ `θματϭινϫονς `ννεκὰλωουὶ ϩηππε ενὲερβωκ `μπενϭοις ανον νεμ φη ὲταυϫεμ ϯφυαλη `ντοτϥ.
Genesis 44:17 πεϫαϥ δε νωου `νϫε ιωςηφ ϫε `ννεςϣωπι ηι ὲὶρι `μπαιςαϫι πιρωμι ὲταυϫεμ ϯφυαλη `ντοτϥ `νθοϥ εϥὲϣωπι νηι `νουὰλου `νθωτεν δε μαϣενωτεν ϧεν ουουϫαι ϩα πετενιωτ.
Genesis 44:18 αϥϩενϥ δε ὲροϥ `νϫε ιουδας πεϫαϥ ϫε ϯϯϩο ὲροκ παϭοις μαρε πεκὰλου ϫε ουςαϫι `πεκ`μθο ουοϩ `μπερϫωντ ὲπεκὰλου ϫε `νθοκ πε μενενςα φαραω.
Genesis 44:19 παϭοις `νθοκ ακϣεν νεκὰλωουὶ εκϫω `μμος ϫε αν ουοντετεν ιωτ `μμαυ ιε ςον.
Genesis 44:20 ουοϩ πεϫαν `μπενϭοις ϫε ουον `νταν `νουϧελλο `νιωτ `μμαυ νεμ ουὰλου ὲαϥ`ϫφοϥ ϧεν τεϥμετϧελλο πεϥκεςον δε `ϥϣοπ αν αϥμου `νθοϥ `μμαυατϥ ετςοϫπ `ντε τεϥμαυ πεϥιωτ δε αϥμενριτϥ.
Genesis 44:21 πεϫακ δε `ννεκὰλωουὶ ϫε ὰνιτϥ ϩαροι ουοϩ ειὲòϩι ουβηϥ.
Genesis 44:22 ουοϩ πεϫαν `μπενϭοις ϫε `μμον `ϣϫομ `ντε πιὰλου χα πεϥιωτ `νςωϥ ὲϣωπ δε `ντεϥχα πεϥιωτ `νςωϥ `ϥναμου.
Genesis 44:23 `νθοκ δε πεϫακ `ννεκὰλωουὶ ϫε αρε`ϣτεμ πετενκουϫι `νςον ὶ ὲ`ϧρηι νεμωτεν `ννετενουαϩτεν θηνου ὲναυ ὲπαϩο.
Genesis 44:24 αςϣωπι δε ὲτανϣεναν ὲ`πϣωι ϩα πεκὰλου ὲτε πενιωτ πε ανταμοϥ ὲνενςαϫι `μπενϭοις.
Genesis 44:25 πεϫε πενιωτ δε ϫε μαϣενωτεν ον ϣεπ ϩανκουϫι `ν`ϧρηουὶ ναν.
Genesis 44:26 ανον δε πεϫαν `μπενιωτ ϫε `μμον `ϣϫομ ὲϣεναν ὲ`ϧρηι `μπενκουϫι `νςον νεμαν αν αλλα ιςϫε πενκουϫι `νςον ναι ὲ`ϧρηι νεμαν τενναϣεναν τεννα`ϣϫεμϫομ γαρ αν ὲναυ ὲ`πϩο `μπιρωμι `μπενκουϫι `νςον χη νεμαν αν.
Genesis 44:27 πεϫε πεκὰλου δε πενιωτ ναν ϫε `νθωτεν τετενςωουν ϫε ϣηρι 2. ὰ ται`ςϩιμι μαςου νηι.
Genesis 44:28 ουοϩ ὰ πιουαι `μμωου ϣεναϥ ὲβολ ϩαροι ουοϩ πεϫωτεν ϫε ὰ `πθηριον ουομϥ ουοϩ `μπιναυ ὲροϥ ϣα ϯνου.
Genesis 44:29 ὲϣωπ ουν αρετενϣανωλι `μπαιχετ ὲβολ ϩα παϩο ουοϩ `ντε ουϣωνι ταϩοϥ ϩι πιμωιτ ὲτετενναμοϣι ϩιωτϥ τετενναελ ταμετϧελλο ὲαμενϯ ϧεν ου`μκαϩ `νϩητ.
Genesis 44:30 ϯνου δε αιϣανϣενηι ὲϧουν ϩα πεκὰλου ὲτε πενιωτ πε `μπιαλου χη νεμηι αν τεϥψυχη δε αςαϣι ϧεν `τψυχη `μπιὰλου .
Genesis 44:31 ουοϩ αςεϣωπι αϥϣανναυ ὲρον `μπιὰλου χη νεμαν αν `ϥναμου ουοϩ νεκὰλωουὶ ςεναελ `θμετϧελλο `μπεκαλου ὲτε πενιωτ πε ὲπεςητ ὲαμενϯ ϧεν ου`μκαϩ `νϩητ.
Genesis 44:32 πεκβωκ γαρ αϥερ `π`ϣτωρι `μπιὰλου `ντεν πεϥιωτ ειϫω `μμος ϫε ὲϣωπ αι`ϣτεμενϥ ϩαροκ `νταταϩοϥ ὲρατϥ `πεκ`μθο ειὲϣωπι ειοι `νρεϥερνοβι ὲπαιωτ `ννιὲϩοου τηρου.
Genesis 44:33 ϯνου ϫε ϯναòϩι ϩαροκ `νουὰλου ὲ`φμα `μπιὰλου ειοι `μβωκ `μπαϭοις πιὰλου δε μαρεϥϣεναϥ ὲ`πϣωι νεμ νεϥ`ςνηου.
Genesis 44:34 πως γαρ ϯναϣενηι ὲ`πϣωι ϩα παιωτ `μπιὰλου χη νεμηι αν ϩινα `ντα`ϣτεμναυ ὲνιπετϩωου ετναταϩε παιωτ.